Lögreglumaður sló til drukkins stuðningsmanns │ Myndband

Lögreglan í Miami hefur hafið rannsókn á atviki sem átti sér stað á laugardaginn þegar lögregluþjónn virðist slá kvenkyns aðdáanda Miami Hurricane þegar hún var fjarlægð af leik liðsins gegn Virginia Tech í bandaríska háskólaboltanum.

Konan virtist mjög drukkin og þurfti fjóra lögregluþjóna til þess að fjarlægja hana af leikvanginum.

Í myndbandi sem birtist á Twitter síðu Barstool Sports sést konan slá til lögregluþjónsins og hann bregst harkalega við og slær hana fast til baka.

Lögreglan í Miami-Dade gaf út yfirlýsingu þar sem hún segist vera að afla sér upplýsinga um málið.

„Að tryggja öruggt umhverfi á viðburðum sem þessum er okkar fremsta mál. Einstaklingurinn á myndbandinu var fjarlægð af lögregluþjónum okkar vegna hegðunar hennar,“ segir í yfirlýsingunni.

„Hún var síðan handtekin fyrir að slá til lögregluþjónsins. Yfirmenn eru að fara yfir myndbandið til að tryggja að farið hafi verið eftir hegðunarreglum okkar.“

The U is back @BarstoolUMiamipic.twitter.com/MI96aa4zh4

— Barstool Sports (@barstoolsports) November 5, 2017