Þriðja banaslysið á sex árum í Eldhrauni Jón Hákon Halldórsson skrifar 29. desember 2017 06:00 Rútan ók út af og valt eftir að hafa lent á fólksbíl. Þrír þeirra sem fluttir voru á Landspítalann eru enn á gjörgæsludeild, minnst einn þeirra í lífshættu. Sjö eru á bráðalegudeild og tveir hafa verið útskrifaðir af spítalanum. Lögð er áhersla á að reglur um notkun bílbelta verði gerðar skýrari. vísir/vilhelm Að minnsta kosti tvö banaslys hafa orðið síðustu fimm árin í Eldhrauni, nærri Kirkjubæjarklaustri, þar sem rútuslysið varð í fyrradag. Í báðum tilfellum létust ferðamenn. Hinn 23. apríl 2012 missti ökumaður bílaleigubíls bifreiðina út á vegöxlina þegar hann teygði sig eftir snakki frá farþega í framsæti. Við það missti hann stjórn á bifreiðinni sem fór út af veginum og valt. Farþegi í aftursæti bifreiðarinnar, 25 ára gamall karlmaður, var ekki spenntur í öryggisbelti. Hann kastaðist út úr bílnum og lést. Að morgni 27. mars 2015 missti ökumaður stjórn á bílaleigubíl í krapa skammt vestan við Kirkjubæjarklaustur og fór út af vinstra megin. Í slysinu lést tvítug kona, sem var farþegi í framsæti. Í skýrslu rannsóknarnefndar samgönguslysa vegna slyssins kemur fram að vegna aukins fjölda ferðamanna megi vegakerfið þola aukið álag allt árið um kring. Fjárveitingar til vegagerðar, vetrarþjónustu og viðhalds vegakerfisins almennt hafi ekki aukist samhliða fjölgun ferðamanna. Stjórnvöld þurfi að bæta úr í þessum efnum og veita meira fé til viðhalds vegakerfisins, bættra merkinga og nýframkvæmda. Það er kannski til marks um aukið álag á vegakerfið að útgáfa hópferðaleyfa hefur næstum tvöfaldast frá árinu 2013. Það ár voru 348 leyfi gefin út, en í ár eru þau orðin 634. Nýskráningum hópbíla hefur líka fjölgað. Ágúst Mogensen, sérfræðingur í forvörnum hjá VÍS og fyrrverandi rannsóknarstjóri rannsóknarnefndar samgönguslysa, segir að það verði að bæta veginn um Eldhraun og auka þjónustu. Þá verði líka að skýra betur reglur um bílbeltanotkun í hópbifreiðum og strætisvögnum. „Við erum ekki að sjá neitt nýtt þarna. Það hafa því miður orðið mörg slys þar sem sömu þættir eru líklegast að koma fyrir og í þessu slysi,“ segir Ágúst. Það sé krafa fólks að reglur um bílbeltanotkun verði skýrari. „Við fáum mörg símtöl um þetta frá foreldrum,“ segir Ágúst, sem tekur þó fram að hann byggi þessar fullyrðingar á upplýsingum úr fjölmiðlum, en sé ekki að orsakagreina umrætt slys. Viðbragðsaðilar sem komu á vettvang rútuslyssins í fyrradag hafa sagt að það hefði breytt miklu ef allir farþegar hefðu notað bílbelti. Í núgildandi reglugerð um öryggis- og verndarbúnað í ökutækjum er undanþáguákvæði þar sem segir að ekki sé skylt að nota öryggisbelti í strætó. Í drögum að breytingum á reglugerðinni, sem enn hafa ekki verið samþykkt, er hnykkt á því að akstur í dreifbýli, þar sem margir kílómetrar eru á milli stoppistöðva og hámarkshraði sá hæsti sem leyfður er á Íslandi, geti ekki fallið undir undanþáguákvæði reglugerðarinnar.Auðbjörg B. Bjarnadóttir, hjúkrunarstjóri hjá Heilsugæslunni á Kirkjubæjarklaustri.Vinnan gekk samkvæmt björtustu vonum „Þetta var auðvitað kaótískt til að byrja með eins og eðlilegt er. En stjórnin gekk vel og ég myndi segja að vinnan á vettvangi hafi gengið samkvæmt björtustu vonum eftir að viðbragðsaðilar voru komnir,“ segir Auðbjörg B. Bjarnadóttir, hjúkrunarstjóri hjá Heilsugæslunni á Kirkjubæjarklaustri. Hún var fyrst á vettvang slyssins eftir að kallað var á aðstoð. Auðbjörg segir að fyrsta verkefni hennar hafi verið að draga upp mynd af vettvangi og bráðaflokka hina slösuðu til að tryggja að allar bjargir væru til staðar sem fyrst. Þegar búið var að bráðaflokka var sent allsherjarútkall. „Fæst orð hafa nú minnsta ábyrgð,“ segir Auðbjörg spurð um það hvernig við séum búin undir slys af þessu tagi. „En ég held að alls staðar á litlum stöðum á landinu sé viðbragð takmarkað. Þó að við hefðum verið einn eða tveir til viðbótar þá er svona slys af þessari stærðargráðu alltaf katastrófa.“ Við svona slys séu allar bjargir komnar að þolmörkum og ekkert annað hefði mátt út af bera á Suðurlandi. Auðbjörg segir að líðan hennar sjálfrar eftir atburðina sé eins og við megi búast. „Hópurinn vann sem einn og það var ómetanleg aðstoð frá vegfarendum til að byrja með.“ Ferðamennska á Íslandi Birtist í Fréttablaðinu Rútuslys við Kirkjubæjarklaustur Tengdar fréttir Slysið hefði getað orðið hvar sem er á landinu Fyrrverandi samgönguráðherra segir að rútuslysið á Suðurlandsvegi í gær hefði getað orðið hvar sem er á landinu. Ekki sé hægt að taka þennan tiltekna vegarkafla út fyrir sviga þegar talað er um umbætur í vegakerfinu. 28. desember 2017 12:15 Berjast fyrir lífi sínu eftir rútuslysið Einn lést og fjöldi er sár eftir að rúta endaði utan vegar skammt frá Kirkjubæjarklaustri. 28. desember 2017 11:15 Mest lesið Greta Thunberg á leið heim til Svíþjóðar Erlent Níu látnir eftir skotárás í Austurríki Erlent Leitin ekki enn borið árangur Innlent Rekur bólusetningaráð stjórnvalda á einu bretti Erlent Rafmagnslaust víða á Suðurlandi Innlent Sendir tvö þúsund þjóðvarðliða til viðbótar til Los Angeles Erlent Leita týnds göngumanns Innlent Hundruð milljóna um allan heim muni eignast færri börn en þau vilja Erlent Taka húfurnar úr sölu: Harma að „misheppnað grín“ hafi komið illa við fólk Innlent „Þetta er afturför í þjónustu við konur með endómetríósu“ Innlent Fleiri fréttir „Þetta er glórulaust rugl í ráðherra“ Tilkynningum um nauðganir fjölgaði milli ára „Ég trúi ekki öðru en að þetta fari í gegn“ „Þetta er afturför í þjónustu við konur með endómetríósu“ Leit að göngumanni og ein harðasta árásin á Úkraínu Rafmagnslaust víða á Suðurlandi Leitin ekki enn borið árangur Reyndi að stinga lögreglu af á stolnum bíl Hljóðfæraleikarar að óbreyttu á leið í verkfall Leita týnds göngumanns Leita leiða til að auðvelda framsal fanga til heimalands síns Taka húfurnar úr sölu: Harma að „misheppnað grín“ hafi komið illa við fólk Nemar á Landspítalanum klæddust „Öldrunarbúningi“ Ökumenn mótorhjóla greiða meira en landsbyggðin minna Ástand í Kaliforníu og breytt frumvarp um kílómetragjald Tveir sjúkrabílar kallaðir út vegna bílslyss við Mjódd Sóttu veikan sjómann Konan er fundin Slökktu eld á svölum á fjórðu hæð í Engihjalla Ekki hægt að nota rafræn skilríki Mjög áhyggjufull yfir tilfærslu ráðuneytisins Frestun fjármagns til verkmenntaskóla, mótmæli í LA og fjölmenningarhátíð Komu í veg fyrir sýruleka á Akureyrarhöfn „Erum ekki að lýsa yfir stuðningi við Trump“ Þotur notaðar í flugi Icelandair til Nuuk Íslendingur á válista CIA árið 1970 Flutningur Konukots mikið framfaraskref en skilur áhyggjur nágranna Vond stjórnsýsla að teikna bara einhverja reiti á kort Fresta uppbyggingu verkmenntaskóla: „Þessi óvissa er fyrir neðan allar hellur“ Menningarveisla í allt sumar á Sólheimum Sjá meira
Að minnsta kosti tvö banaslys hafa orðið síðustu fimm árin í Eldhrauni, nærri Kirkjubæjarklaustri, þar sem rútuslysið varð í fyrradag. Í báðum tilfellum létust ferðamenn. Hinn 23. apríl 2012 missti ökumaður bílaleigubíls bifreiðina út á vegöxlina þegar hann teygði sig eftir snakki frá farþega í framsæti. Við það missti hann stjórn á bifreiðinni sem fór út af veginum og valt. Farþegi í aftursæti bifreiðarinnar, 25 ára gamall karlmaður, var ekki spenntur í öryggisbelti. Hann kastaðist út úr bílnum og lést. Að morgni 27. mars 2015 missti ökumaður stjórn á bílaleigubíl í krapa skammt vestan við Kirkjubæjarklaustur og fór út af vinstra megin. Í slysinu lést tvítug kona, sem var farþegi í framsæti. Í skýrslu rannsóknarnefndar samgönguslysa vegna slyssins kemur fram að vegna aukins fjölda ferðamanna megi vegakerfið þola aukið álag allt árið um kring. Fjárveitingar til vegagerðar, vetrarþjónustu og viðhalds vegakerfisins almennt hafi ekki aukist samhliða fjölgun ferðamanna. Stjórnvöld þurfi að bæta úr í þessum efnum og veita meira fé til viðhalds vegakerfisins, bættra merkinga og nýframkvæmda. Það er kannski til marks um aukið álag á vegakerfið að útgáfa hópferðaleyfa hefur næstum tvöfaldast frá árinu 2013. Það ár voru 348 leyfi gefin út, en í ár eru þau orðin 634. Nýskráningum hópbíla hefur líka fjölgað. Ágúst Mogensen, sérfræðingur í forvörnum hjá VÍS og fyrrverandi rannsóknarstjóri rannsóknarnefndar samgönguslysa, segir að það verði að bæta veginn um Eldhraun og auka þjónustu. Þá verði líka að skýra betur reglur um bílbeltanotkun í hópbifreiðum og strætisvögnum. „Við erum ekki að sjá neitt nýtt þarna. Það hafa því miður orðið mörg slys þar sem sömu þættir eru líklegast að koma fyrir og í þessu slysi,“ segir Ágúst. Það sé krafa fólks að reglur um bílbeltanotkun verði skýrari. „Við fáum mörg símtöl um þetta frá foreldrum,“ segir Ágúst, sem tekur þó fram að hann byggi þessar fullyrðingar á upplýsingum úr fjölmiðlum, en sé ekki að orsakagreina umrætt slys. Viðbragðsaðilar sem komu á vettvang rútuslyssins í fyrradag hafa sagt að það hefði breytt miklu ef allir farþegar hefðu notað bílbelti. Í núgildandi reglugerð um öryggis- og verndarbúnað í ökutækjum er undanþáguákvæði þar sem segir að ekki sé skylt að nota öryggisbelti í strætó. Í drögum að breytingum á reglugerðinni, sem enn hafa ekki verið samþykkt, er hnykkt á því að akstur í dreifbýli, þar sem margir kílómetrar eru á milli stoppistöðva og hámarkshraði sá hæsti sem leyfður er á Íslandi, geti ekki fallið undir undanþáguákvæði reglugerðarinnar.Auðbjörg B. Bjarnadóttir, hjúkrunarstjóri hjá Heilsugæslunni á Kirkjubæjarklaustri.Vinnan gekk samkvæmt björtustu vonum „Þetta var auðvitað kaótískt til að byrja með eins og eðlilegt er. En stjórnin gekk vel og ég myndi segja að vinnan á vettvangi hafi gengið samkvæmt björtustu vonum eftir að viðbragðsaðilar voru komnir,“ segir Auðbjörg B. Bjarnadóttir, hjúkrunarstjóri hjá Heilsugæslunni á Kirkjubæjarklaustri. Hún var fyrst á vettvang slyssins eftir að kallað var á aðstoð. Auðbjörg segir að fyrsta verkefni hennar hafi verið að draga upp mynd af vettvangi og bráðaflokka hina slösuðu til að tryggja að allar bjargir væru til staðar sem fyrst. Þegar búið var að bráðaflokka var sent allsherjarútkall. „Fæst orð hafa nú minnsta ábyrgð,“ segir Auðbjörg spurð um það hvernig við séum búin undir slys af þessu tagi. „En ég held að alls staðar á litlum stöðum á landinu sé viðbragð takmarkað. Þó að við hefðum verið einn eða tveir til viðbótar þá er svona slys af þessari stærðargráðu alltaf katastrófa.“ Við svona slys séu allar bjargir komnar að þolmörkum og ekkert annað hefði mátt út af bera á Suðurlandi. Auðbjörg segir að líðan hennar sjálfrar eftir atburðina sé eins og við megi búast. „Hópurinn vann sem einn og það var ómetanleg aðstoð frá vegfarendum til að byrja með.“
Ferðamennska á Íslandi Birtist í Fréttablaðinu Rútuslys við Kirkjubæjarklaustur Tengdar fréttir Slysið hefði getað orðið hvar sem er á landinu Fyrrverandi samgönguráðherra segir að rútuslysið á Suðurlandsvegi í gær hefði getað orðið hvar sem er á landinu. Ekki sé hægt að taka þennan tiltekna vegarkafla út fyrir sviga þegar talað er um umbætur í vegakerfinu. 28. desember 2017 12:15 Berjast fyrir lífi sínu eftir rútuslysið Einn lést og fjöldi er sár eftir að rúta endaði utan vegar skammt frá Kirkjubæjarklaustri. 28. desember 2017 11:15 Mest lesið Greta Thunberg á leið heim til Svíþjóðar Erlent Níu látnir eftir skotárás í Austurríki Erlent Leitin ekki enn borið árangur Innlent Rekur bólusetningaráð stjórnvalda á einu bretti Erlent Rafmagnslaust víða á Suðurlandi Innlent Sendir tvö þúsund þjóðvarðliða til viðbótar til Los Angeles Erlent Leita týnds göngumanns Innlent Hundruð milljóna um allan heim muni eignast færri börn en þau vilja Erlent Taka húfurnar úr sölu: Harma að „misheppnað grín“ hafi komið illa við fólk Innlent „Þetta er afturför í þjónustu við konur með endómetríósu“ Innlent Fleiri fréttir „Þetta er glórulaust rugl í ráðherra“ Tilkynningum um nauðganir fjölgaði milli ára „Ég trúi ekki öðru en að þetta fari í gegn“ „Þetta er afturför í þjónustu við konur með endómetríósu“ Leit að göngumanni og ein harðasta árásin á Úkraínu Rafmagnslaust víða á Suðurlandi Leitin ekki enn borið árangur Reyndi að stinga lögreglu af á stolnum bíl Hljóðfæraleikarar að óbreyttu á leið í verkfall Leita týnds göngumanns Leita leiða til að auðvelda framsal fanga til heimalands síns Taka húfurnar úr sölu: Harma að „misheppnað grín“ hafi komið illa við fólk Nemar á Landspítalanum klæddust „Öldrunarbúningi“ Ökumenn mótorhjóla greiða meira en landsbyggðin minna Ástand í Kaliforníu og breytt frumvarp um kílómetragjald Tveir sjúkrabílar kallaðir út vegna bílslyss við Mjódd Sóttu veikan sjómann Konan er fundin Slökktu eld á svölum á fjórðu hæð í Engihjalla Ekki hægt að nota rafræn skilríki Mjög áhyggjufull yfir tilfærslu ráðuneytisins Frestun fjármagns til verkmenntaskóla, mótmæli í LA og fjölmenningarhátíð Komu í veg fyrir sýruleka á Akureyrarhöfn „Erum ekki að lýsa yfir stuðningi við Trump“ Þotur notaðar í flugi Icelandair til Nuuk Íslendingur á válista CIA árið 1970 Flutningur Konukots mikið framfaraskref en skilur áhyggjur nágranna Vond stjórnsýsla að teikna bara einhverja reiti á kort Fresta uppbyggingu verkmenntaskóla: „Þessi óvissa er fyrir neðan allar hellur“ Menningarveisla í allt sumar á Sólheimum Sjá meira
Slysið hefði getað orðið hvar sem er á landinu Fyrrverandi samgönguráðherra segir að rútuslysið á Suðurlandsvegi í gær hefði getað orðið hvar sem er á landinu. Ekki sé hægt að taka þennan tiltekna vegarkafla út fyrir sviga þegar talað er um umbætur í vegakerfinu. 28. desember 2017 12:15
Berjast fyrir lífi sínu eftir rútuslysið Einn lést og fjöldi er sár eftir að rúta endaði utan vegar skammt frá Kirkjubæjarklaustri. 28. desember 2017 11:15