Stór skjálfti í Bárðarbungu

Nokkur skjálftavirkni hefur verið í Bárðarbungu það sem af er degi. Stærsti skjálftinn mældist 4,9 að stærð.

Skjálftavirknin hófst nú síðdegis þegar jarðskjálfti af stærð 3,7 í mældist í norðanverðri Bárðarbunguöskjunni. Honum fylgdu nokkrir minni skjálftar en klukkan sex í kvöld varð svo skjálfti af stærðinni 3,8.

Klukkan 19.24 mældist stærsti skjálftinn á sömu slóðum eða 4,9 stig. Engin gosórói er sjáanlegur í eða í grennd við Bárðarbungi að því er fram kemur í tilkynningu frá Veðurstofunni.