Jarðskjálfti að stærð 4,4 skók Bretland

Jarðskjálfti skók hluta Bretlands í dag en upptök hans voru 20 kílómetra norðaustur af borginni Swansea. BBC greinir frá.

Skjálftinn fannst í suðurhluta Wales, á suðvesturhluta Englands og í Midlands en engar tilkynningar hafa verið um eignatjón eða áverka sökum jarðskjálftans.

Breska veðurstofan segir í tilkynningu að upptök skjálftans hafi verið um 20 kílómetra norðaustur af Swansea við 7,4 kílómetra dýpi. Einnig segir veðurstofan að skjálftar af þessari stærðargráðu verði á tveggja til þriggja ára fresti. 

This is the biggest event in the area since the 5.2 magnitude earthquake in 1906. pic.twitter.com/zq9JEIttQI

— BGS (@BritGeoSurvey) February 17, 2018