Ólafía ekki í stuði í nótt

Atvinnukylfingurinn Ólafía Þórunn Kristinsdóttir fór ekki vel af stað á LPGA-móti sem fer fram í San Francisco í Bandaríkjunum.

Hún lék fyrsta hringinn á mótinu á 77 höggum eða fimm höggum yfir pari. Hún er í 120.-129. sæti á mótinu eftir hringinn.

Það þarf því ansi mikið að gerast í dag til þess að hún komist í gegnum niðurskurðinn á mótinu. Niðurskurðarlínan er sem stendur í einu höggi yfir pari þannig að mjög góður hringur í dag gefur okkar konu möguleika.

Efstu konur á mótinu léku á 68 höggum í gær.