Hafþór Júlíus Björnsson sterkasti maður heims árið 2018

Hafþór Júlíus Björnsson, betur þekktur sem Fjallið, stóð uppi sem sigurvegari í keppninni um titilinn Heimsins sterkasti maður. Keppnin fór fram í Manilla á Filippseyjum. Þetta er í fyrsta skipti sem Hafþór fær þennan titil en hann þótti sigurstranglegastur í ár þrátt fyrir sterka keppinauta. Í öðru sæti varð Mateusz Kieliszkowski frá Póllandi og Brian Shaw frá Bandaríkjunum lenti í því þriðja. 

Íslendingur vann keppnina síðast árið 1996, þegar Magnús Ver fékk titilinn þriðja árið í röð. Hafþór hefur á undanförnum árum keppt um titilinn og iðulega verið mjög nálægt því að feta í fótspor Jón Páls Sigmarssonar og Magnúsar Vers Magnússonar og hreppa titillinn, en hann hefur í þrígang lent í öðru sæti, og í þrígang lent í þriðja sæti. 

Hafþór hafnaði í öðru sæti í fyrra og sagðist hann þá hafa verið snuðaður um titilinn en Eddie Hall sigraðu naumlega í fyrra.