Nýjar vikutölur úr laxveiðiánum

Þá er laxveiðitímabilið komið vel í gang og flestar árnar opnaðar og þær síðustu opna núna 1. júlí.

Landssamband Veiðifélaga hefur birt nýjar tölur úr laxveiðiánum eins og gert er vikulega og það má sjá að aðstæður í ánum á vesturlandi virðast hafa nokkur áhrif á veiðina. Árnar voru mjög bólgnar og duttu sumar þeirra í lit. Ofan á þetta var bæði hvasst og mikil rigning sem gerði veiðimönnum lífið heldur leitt. Áin sem á stærsta sprettinn í tölum er Þverá og Kjarrá er heildarveiðin þar er komin í 452 laxa sem er um fjórðungur af heildarveiði síðasta árs en þá veiddust 2060 laxar í ánni sem var bara prýðilegt ár. Miðað við hvað það er stutt liðið á veiðitímann og júlímánuður allur eftir og hann er sá mánuður sem gefur bestu veiðina sýnist okkur á Veiðivísi nokkuð ljóst að áin fari yfir töluna í fyrra.

Skilyrðin í ánum á vesturlandi eru þó að skána mikið og það má því reikna með góðu stökki í veiðitölum í næstu viku með auknum göngum, betri veiðiskilyrðum og það er líka stórstreymt á sunnudaginn en þessi straumur skilar oftar en ekki góðum göngum í árnar.

Topp fimm listinn yfir aflahæstu ár landsins er:

1. Þverá/Kjarrá 452 laxar

2. Urriðafoss,Þjórsá 391 lax

3. Norðurá 351 lax

4. Miðfjarðará 177 laxar

5. Blanda 175 laxar

Listann í heild sinni má finna á www.angling.is