„Frá miðnæturgolfi og hraunklúbbum á Opna breska“

Haraldur Franklín Magnús spilar í dag sinn fyrsta hring á Opna breska meistaramótinu í golfi. AP fréttastofan vildi kanna enn betur hvaða Íslendingur þetta væri sem væri mættur, fyrstur karlkyns kylfinga, til að spila á risamóti.

„Þetta hefur verið yfirþyrmandi en heilt yfir hefur þetta frábært,” sagði Haddi, eins og hann er kallaður, er AP fréttastofan ræddi við hann á æfingarsvæðinu á Cranoustie vellinum.

Fyrirsögnin á greininni er „Frá miðnæturgolfi og hraunklúbbum á opna breska.” Þar segir Haraldur frá því hvernig menn spila golf á miðnætti á Íslandi og fer aðeins út í golfvellina hér heima.

„Við erum lengra í norður á frosni eyju svo þetta er eins gott og það gerist. Það verður að hrósa starfsfólki golfvallana á Íslandi. Við erum með nokkra stórkostlega velli og sumir umkringdir hrauni.”

„Það er mánuður á Íslandi sem það er sólarljós allar 24 klukkustundirnar á sólahring. Það eru mót sem hefjast á miðnætti, miðnæturgolf og þar spila túristar.”

Haraldur Franklín er fyrsti karlkyns Íslendingurinn sem spilar á einu af fjórum risamótunum í golfinu og það er tilhlökkun í honum. Það skiptir hann þó ekki miklu máli að hann sé sá fyrst.

„Það skiptir mig engu máli að ég sé fyrsti Íslendingurinn. Mér finnst það frábært að ég sé fyrsti Íslendingurinn á risamóti en hvort sem það hafa spilað fimmtán eða þúsund á undan mér skiptir engu máli.”

„Vonandi verður þetta hvatning fyrir aðra. Við erum með fullt af góðum ungum krökkum og ég held að ég verði ekki sá eini sem spila á stóru móti frá Íslandi

En hvernig myndi Snorri Ólafsson, þjálfari Haraldar, lýsa honum sem kylfing og hvernig ætlar hann að spila í dag?

„Hann mun spila fyrir parið. Stöðugt golf. Þú færð ekki mikil svipbrigði frá honum. Við erum með allskyns týpur á Íslandi en hann er óútreiknalegur. Hann getur verið átta undir pari eða átta yfir pari.”

„Það er gaman að horfa á hann og vonandi verður pútterinn heitur,” bætti Snorri við en alla grein AP má lesa hér.

Haraldur Franklín fer af stað klukkan 10.53 í dag og að sjálfsögðu mun Vísir fylgjast vel með kappanum.