Guðrún Brá leiðir með tveimur höggum eftir fyrsta hring

Guðrún Brá Björgvinsdóttir úr Golfklúbbnum Keili leiðir eftir fyrsta hring í kvennaflokki á Íslandsmótinu í höggleik en leikið er í Vestmannaeyjum.

Guðrún Brá, sem stóð einnig uppi sem sigurvegari í KPMG-mótinu um síðustu helgi, spilaði á parinu í Eyjum.

Fyrri níu spilaði hún á 36 höggum en síðari níu á 34 höggum þar sem hún fékk meðal annars þrjá fugla. Hún leiðir með tveimur mhöggum.

Næst kemur Saga Traustadóttir úr GR á tveimur höggum yfir pari en í þriðja sætinu er Helga Kristín Einarsdóttir, liðsfélagi Guðrúnar úr Golfklúbbnum Keili á þremur yfir.