Guns N' Roses stendur fyrir stórtónleikum á Laugardalsvellinum í kvöld og er búist við um 25 þúsund manns á vellinum.
Aldrei hafa fleiri gestir mætt á Laugardalsvöllinn. Axl Rose, söngvari sveitarinnar er í ítarlegu viðtali í Fréttablaðinu í dag og kemur þar í ljós að kappinn er mikill aðdáandi Bjarkar Guðmundsdóttur.
„Ég held að Björk sé ein sú allra þekktasta og ég er mikill aðdáandi hennar,“ segir Axl í viðtalinu.
Opnað verður fyrir tónleikagesti klukkan 16:30 í dag og er búist við því að Guns N´Roses stígi á sviðið um klukkan átta.
