Nýtt myndband Aphex Twin féll á flogaveikiprófi

Raftónlistarmaðurinn Richard D. James, eða Aphex Twin, gefur út stuttskífuna Collapse 14. september næstkomandi. Minnast má á að sama dag kemur einmitt út „síðasta plata“ Jóhanns Jóhannssonar.

Myndband við fyrsta lagið af stuttskífunni, T69 Collapse, hefur nú verið birt, en það átti að vera frumsýnt á sjónvarpsstöðinni Adult Swim í gærkvöldi áður en í ljós kom að myndbandið stóðst ekki svokallað Harding-próf. Prófið er notað til að meta hvort óhætt sé fyrir flogaveika að horfa á myndefni.

Listrænn stjórnandi Adult Swim greindi frá þessu á Twitter í gær.

Didn’t pass the Harding test, so we will be premiering it online.

— KING ATOMSK DEMARCO (@Clarknova1) August 6, 2018

Áður hafði birst mjög ólæsileg fréttatilkynning frá plötufyrirtæki listamannsins, Warp Records. Skýrara textainnihald myndarinnar má finna í svörum við tístinu.

pic.twitter.com/yO1D0JPLDj

— Warp Records (@WarpRecords) August 5, 2018

Undanfarið hafa birst dularfullar vísbendingar um að ný útgáfa frá Aphex sé á leiðinni víðs vegar um heim.

Á sama tíma og nýja lagið var birt, tísti Aphex Twin sjálfur plötuumslaginu á nýju stuttskífunni.

T69 COLLAPSE: https://t.co/Bz2JmLeowt

COLLAPSE EP. 14 SEPTEMBER 2018.

VIDEO BY WEIRDCORE. pic.twitter.com/2Bzs4EudbS

— Aphex Twin (@AphexTwin) August 7, 2018