Júlíus Kristjánsson heiðraður á Fiskidaginn mikla

Fiskidagurinn mikli var haldinn hátíðlegur á Dalvík í gær.

Frá upphafi hefur Fiskidagurinn mikli heiðrað þá sem hafa með einhverjum hætti haft áhrif á íslenska atvinnusögu og íslenskan sjávarútveg.

Í ár veitti Fiskidagurinn mikli viðurkenningu fyrir framlag til menntunar sjómanna og heiðraði Júlíus Kristjánsson fyrir þátt hans í uppbyggingu og umsjón með skipstjórnunarfræðslu á Dalvík, þetta kemur fram í tilkynningu.

Júlíus hafði umsjón með skipstjórnarbraut við Dalvíkurskóla frá byrjun 1981 og á þeim 20 árum sem stýrimannaskólinn starfaði á Dalvík útskrifuðust 190 nemendur af 1. stigi skipstjórnar og 134 með 2.stig frá skólanum.