Kaepernick hrósaði leikmönnum fyrir að fara niður á hné

Fyrsti stóri leikdagurinn í NFL-deildinni var í gær og margt áhugavert í gangi. Þar á meðal mótmæli leikmanna meðan þjóðsöngurinn er leikinn en þau eru ekki hætt þó svo eigendur liðanna reyni að koma í veg fyrir þau.

Miami-leikmennirnir Kenny Stills og Albert Wilson fóru niður á hné í þjóðsöngnum. Aðrir reistu hnefann upp í loft en sumir mótmæltu hljóðlega með því að bíða inn í göngunum í þjóðsöngnum.

Upphafsmaður mótmælanna, Colin Kaepernick, hrósaði Stills og Wilson fyrir sitt hugrekki.

„Þetta hugrekki mun hafa áhrif á heiminn. Þeir sýndu mikinn styrk með því að berjast fyrir þá bældu. Þeir gefast ekki upp þó svo ráðist sé á þá og þeim ögrað,“ skrifaði Kaepernick meðal annars á Twitter.

My Brothers @kstills and @ithinkisee12 continue to show their unwavering strength by fighting for the oppressed! They have not backed down, even when attacked and intimidated. Their courage will move the world forward!

“Love is at the root of our resistance!”✊ pic.twitter.com/2kSsX4s7EU

— Colin Kaepernick (@Kaepernick7) September 9, 2018

Fyrsta umferðin klárast í kvöld með tveimur leikjum en það var mikið fjör í gær. Aaron Rodgers, leikstjórnandi Packers, meiddist gegn Chicago í gær en snéri aftur meiddur út á völlinn og leiddi ótrúlega endurkomu síns liðs.

Cleveland vann ekki leik á síðustu leiktíð en nældi í óvænt jafntefli gegn Pittsburgh. Þegar búnir að gera betur en í fyrra.

Úrslit gærdagsins:

Green Bay-Chicago  24-23

Baltimore-Buffalo  47-3

Cleveland-Pittsburgh  21-21

Indianapolis-Cincinnati  23-34

Miami-Tennessee  27-20

Minnesota-San Francisco  24-16

New England-Houston  27-20

New Orleans-Tampa Bay  40-48

NY Giants-Jacksonville  15-20

LA Chargers-Kansas City  28-38

Arizona-WEashington  6-24

Carolina-Dallas  16-8

Denver-Seattle  27-24