Mikilvægir sigrar hjá Steelers og Vikings

Pittsburgh Steelers og Minnesota Vikings náðu í mikilvæga sigra, sóknarleikur Kansas City Chiefs skilaði þeim öruggum sigri á meðan Green Bay Packers köstuðu frá sér fjölda tækifæra í tapi fyrir Detroit Lions.

Steelers unnu stóran 41-17 sigur á Atlanta Falcons á heimavelli sínum í nótt. Ben Roethlisberger og Antonio Brown unnu vel saman og skilaði samvinna þeirra tveimur snertimörkum fyrir Steelers í seinni hálfleik.

Þetta var besta frammistaða Steelers-liðsins á tímabilinu til þessa á meðan Atlanta tapaði þriðja leiknum í röð.

Í Philadelphia mættust heimamenn og Minnesota Vikings. Gestirnir frá Minnesota komust sautján stigum yfir í þriðja leikhluta og var staðan 23-14 þegar aðeins tæpar þrjár mínútur voru eftir af leiknum.

Zach Ertz skoraði snertimark eftir sendingu frá Carson Wentz og minnkaði muninn í 23-21 en nær komust Ernirnir ekki og sigurinn Minnesota.

Detroit Lions refsuðu Green Bay Packers fyrir mistök sín í leik liðanna í Detroit. Í fyrsta fjórðungi náði LeGarrete Blount tveimur snertimörkum eftir aðeins eins jarda hlaup. Matthew Stafford átti átta jarda sendingu á Marvin Jones undir lok fyrri hálfleik sem skilaði snertimarki og var Detroit 24-0 yfir í hálfleik.

Úrslit næturinnar:

Houston Texans - Dallas Cowboys 19-16

Kansas City Chiefs - Jacksonville Jaguars 30-14

Pittsburgh Steelers - Atlanta Falcons 41-17

Carolina Panthers - New York Giants 33-31

Detroit Lions - Green Bay Packers 31-23

Cleveland Browns - Baltimore Ravens 12-9

Cincinnati Bengals - Miami Dolphins 27-17

New York Jets - Denver Broncos 34-16

Buffalo Bills - Tennessee Titans 13-12

Los Angeles Chargers - Oakland Raiders 26-10

Los Angeles Rams - Seattle Seahawks 33-31

Minnestoa Vikings - Philadelphia Eagels 23-21

Arizona Cardinals - San Francisco 49ers 28-18