Frábær dans tryggði Íslandi bronsið

Blandað lið fullorðinna fékk brons á EM í hópfimleikum sem fram fer í Portúgal. Liðið hélt sæti sínu frá því í undankeppninni. 

Íslenska liðið byrjaði á dýnuæfingum sem þau gerðu mjög vel. Á trampólíninu voru smá hnökrar en heilt yfir mjög góð umferð hjá liðinu.

Fyrir lokaáhaldið var Ísland í fjórða sæti en dans íslenska liðsins á gólfinu var frábær og nógu góður til þess að fara upp fyrir Norðmennina og krækja i bronsið. 

Svíar og Danir háðu harða baráttu um gullverðlaunin en svo fór að þau sænsku tóku gullið.

Einkunnir Íslands:

Gólf: 18,750

Dýna: 17,100

Trampólín: 17,150