Streisand hringdi í forstjóra Apple til að leiðrétta Siri

Barbra Streisand mætti í Carpool Karaoke hjá James Corden í síðustu viku og skelltu þau tvö sér saman á rúntinn.

Saman tóku þau helstu slagara Barbra Streisand sem sló rækilega í gegn sem leikkona og söngkona á sínum tíma.

Á rúntinum kom í ljós að Streisand hringdi á dögunum í Tim Cook, forstjóra Apple, og bað hann vinsamlegast um að breyta framburði Siri á nafni hennar.

Siri er tölvugerð aðstoðarkona sem notendur iPhone geta spurt spjörunum úr. Hér að neðan má sjá rúntinn hjá þessum tveimur.