Nítján ára gamall karlmaður hefur verið yfirheyrður af lögreglu í Þýskalandi í tengslum við umfangsmikinn gagnaleka þar sem persónuupplýsingum þýskra stjórnmálamanna voru birtar á netinu.
Greiðslukortaupplýsingar og farsímanúmer er á meðal upplýsinga um hundruð þýskra stjórnmálamanna sem lekið var en félagar í öllum stjórnmálaflokkum Þýskalands nema hægriöfgaflokksins Valkostur fyrir Þýskaland (AfD) urðu fyrir barðinu á þrjótunum. Upplýsingum um Angelu Merkel var meðal annars lekið á netið.
Lögregla gerði húsleit á heimili mannsins í bænum Heilbronn í suðvestur-Þýskalandi í gær og lagði hald á tölvubúnað og það sem fannst í ruslatunnum heimilisins.
Maðurinn hefur aðeins verið nafngreindur sem Jan S. segist ekki vera maðurinn á bak við lekann en segist þó kannast við og hafa átt í samskiptum við tölvuhakkarann Orbit, sem birti upplýsingarnar sem um ræðir.
Lögregluyfirvöld í Þýskalandi fengu ekki upplýsingar um tölvuinnbrotin fyrr en á föstudag og var þá greint frá þeim opinberlega. Engu að síður hafði Upplýsingaöryggisstofnun Þýskalands haft vitneskju um gagnalekann frá því í desember.
PSG
Liverpool
