Stjórnarherinn tekur völdin í Gabon

Stjórnarherinn í Afríkuríkinu Gabon tók í morgun völdin í landinu. Þetta hefur breska ríkisútvarpið eftir talsmönnum hersins í landinu.

Gabon er ríkt af olíuauðlindum og þar hefur fjölskylda núverandi forseta ríkt í rúma hálfa öld eða allt frá sjálfstæði landsins árið 1960.

Forsetinn, Ali Bongo, tók við völdum af föður sínum, Omari Bongo, árið 2009, en sá hafði ríkt í landinu nær alla tíð frá sjálfstæði landsins.

Ali Bongo er sagður hafa fengið slag í október síðastliðnum og gengist undir meðferðir í Marókkó.

Orðrómur var þó uppi um að í raun væri forsetinn ekki við stjórnvölinn og í því ljósi segist herinn hafa ákveðið að taka völdin, til að endurreisa lýðræðið í landinu, eins og það er orðað.

Íbúar Gabon telja um tvær milljónir.