Þetta mun gerast á Íslandi árið 2019

Eins og flestum er vafalaust kunnugt um þá er árið 2019 gengið í garð. Það er því ekki úr vegi að líta fram á við og sjá hvað er framundan á þessu ári. Það fyrsta sem kemur upp í hugann er að eins og staðan er í dag þá munu Íslendingar ekki ganga til kosninga á árinu. Ed Sheeran mun heimsækja Íslendinga á árinu, karlalandsliðið keppir á heimsmeistaramótinu í handbolta og þó nokkrar nýjar framkvæmdir munu líta dagsins ljós.

Búast má við mikilli hörku í kjarabaráttu verkalýðsfélaga og atvinnurekenda í vetur þar sem margir kjarasamningar runnu út á áramótum.

Hér fyrir neðan má sjá yfirferð Vísis fyrir árið 2019:

Janúar 

Vestmannaeyjabær fagnar 100 ára afmæli á árinu, en sveitarfélagið fékk kaupstaðarréttindi 1. janúar árið 1919.

Ísland keppir á heimsmeistaramóti karla í handbolta í Danmörku og Þýskalandi.

Fyrsti þingfundur ársins verður 21. janúar.

Bóndadagur, sem markar upphaf Þorra, er 25. janúar.

Myrkir músíkdagar hefjast 26. janúar.

Ríkisstjórnin mun vinna að sameiningu Seðlabanka Íslands og Fjármálaeftirlitsins á vorþinginu. Væntanlega verða umræður um vegatolla miklar og þá mun fjármálaráðherra fylgja eftir frumvarpi um þjóðarsjóð. Sjávarútvegsráðherra mun leggja fram frumvarp um fiskeldi, gjaldtöku vegna nýtinga á eldissvæðum í sjó, breytingar á búvörulögum og frumvarp til að bregðast við dómum um innflutning á fersku kjöti. Ætlunin er að gera ráðstafanir til að stemma stigu við kennitöluflakki, endurskoða hlutverk framkvæmdasjóðs ferðamannastaða og kynna nýsköpunarstefnu fyrir Ísland fyrir sumarið. Dómsmálaráðherra ætlar að lögfesta heimild foreldra til að semja um skipta búsetu barns og gera breytingar á lögum um helgidagafrið þannig að fellt verði úr gildi bann við tiltekinni starfsemi á slíkum dögum. Loftslagsmál, friðlýsingar og barátta gegn plastmengun verða efst á baugi umhverfisráðherra og mun utanríkisráðherra leggja áherslu á þróunarsamvinnu.

Febrúar

Valentínusardagurinn er 14. febrúar.

Konudagur, sem markar upphaf Góu, er sunnudaginn 24. febrúar.

21. febrúar fær íslenska kvennalandsliðið í knattspyrnu að vita hvaða mótherjum það mætir í undankeppni Evrópumótsins sem fer fram árið 2021.

Mars

Háskóladagurinn er haldinn 2. mars.

Bolludagur er 4. mars.

 

Sprengidagur er 5. mars.

Öskudagur er 6. mars.

Íslenska karlalandsliðið í knattspyrnu hefur leik í undankeppni Evrópumótsins á móti Andorra 22. mars næstkomandi. Þremur dögum síðar mæti liðið heimsmeisturum Frakka ytra.

Gert er ráð fyrir að nýr Herjólfur muni hefja siglingar á á milli Vestmannaeyja og Landeyjahafnar 30. mars næstkomandi.

Grínistinn Eddie Izzard mætir í Hörpu 31. mars

Apríl

Búist er við að þeir sem vinna að gerð Dýrafjarðarganga muni slá í gegn í apríl.

Pálmasunnudagur er 14. apríl.

Blúshátíð í Reykjavík fer fram dagana 13. til 18. apríl.

Skoska bræðrabandið The Proclaimers heldur tónleika í Hörpu 15. apríl.

Skírdagur er 18. apríl.

Föstudagurinn langi er 19. apríl.

Tónlistarhátíðin Aldrei fór ég suður á Ísafirði nær hámarki laugardaginn 20. apríl.

Páskadagur er 21. apríl.

Annar í páskum er 22. apríl.

Sumardagurinn fyrsti er fimmtudaginn 25. apríl.

Raftónlistarhátíðin Sónar hefst í Reykjavík fimmtudaginn 25. apríl.

Maí

1. maí, baráttudagur verkalýðs, ber upp á miðvikudag í ár.

Reykjavík Metalfest fer fram dagana 16.-18. mars.

Uppstigningardagur er fimmtudaginn 30. maí.

Júní

Verktakafyrirtækið íslenskir aðalverktakar mun ljúka að hluta byggingu á 550 íbúðum á höfuðborgarsvæðinu á árinu.

 

Fjölnota íþróttahús í Vetrarmýri í Garðabæ mun rísa á árinu en hvenær það verður tekið í notkun er óvíst á þessari stundu. 

Sjómannadagurinn er sunnudaginn 2. júní.

Hvítasunnudagur er sunnudaginn 9. júní.

Þungarokkshátíðin Ascension MMXIX fer fram í Mosfellsbæ 13.-16. júní.

Þjóðhátíðardagur Íslendinga ber upp á mánudegi 17. júní næstkomandi.

Sumarsólstöður verða 21. júní næstkomandi.

Tónlistarhátíðin Secret Solstice í Reykjavík hefst 21. júní og stendur yfir í þrjá daga.

Guðni Th. Jóhannesson, forseti Íslands, fagnar 51 árs afmæli sínu 26. júní.

Júlí

Sýning arkitektsins Ólafs Elíassonar í Tate Modern´s Tube Hall í Lundúnum verður opnuð 11. júlí en um er að ræða nokkurs konar yfirferð á ferli hans.

Tónlistarhátíðin Eistnaflug verður haldin 10.-13. júlí.

Listahátíðin Lunga stendur yfir 15.-22. júlí.

Tónlistarhátíðin Bræðslan verður haldin á Borgarfirði eystra 27. júlí.

Ágúst

Frídag verslunarmanna ber upp á mánudaginn 5. ágúst, en búast má við fjölda hátíða víðs vegar um land vegna verslunarmannahelgarinnar, þar á meðal Þjóðhátíð í Vestmannaeyjum.

Einleikjahátíðin Act Alone fer fram dagana 8.-10. ágúst á Suðureyri.

Hinsegin dagar fara fram 8. til 17. ágúst. Gleðigangan verður laugardaginn 17. ágúst.

Flugeldasýning í Jökulsárlóni verður haldin 17. ágúst klukkan 23.

Fiskidagurinn mikli á Dalvík verður laugardaginn 10. ágúst.

Breski tónlistarmaðurinn Ed Sheeran heldur tónleika á Laugardalsvelli dagana 10. og 11. ágúst.

Menningarnótt Reykjavíkurborgar verður laugardaginn 24. ágúst.

September

Jazzhátíð Reykjavíkur verður dagana 4.-8. september.

Búast má við að framkvæmdum við breikkun Suðurlandsvegar, á milli Hveragerðis og Selfoss, verði lokið í haust og að þessi mikla samgöngubót verði tekin í notkun um það leyti.

Október

Listahátíðin Sequences verður haldin í október.

Fyrsti vetrardagur er laugardaginn 26. október.

Hrekkjavaka verður laugardaginn 31. október.

Nóvember

Tónlistarhátíðin Iceland Airwaves fagnar 20 ára afmæli í ár en hátíðin fer fram dagana 6. til 9. nóvember.

Dagur íslenskrar tungu verður laugardaginn 16. nóvember.

Desember

Vetrarsólstöður verða 22. desember.

Aðfangadagur jóla verður þriðjudaginn 24. desember.

Ef þú ert með ábendingu um eitthvað sem mætti bæta við listann, sendu okkur þá endilega línu á ritstjorn (hjá) visir.is