Skemmtileg dagskrá fyrir unga veiðimenn

Fimmtudaginn 31.janúar næstkomandi klukkan 19.30 mun skemmtinefnd Stangveiðifélag Reykjavíkur ásamt samfélagsmiðlahópnum Villimenn halda opið hús fyrir unga veiðimenn/konur (14-25.ára).

Þessi skemmtun verður haldin í húsakynnum Stangveiðifélagsins, á Rafstöðvavegi 14, og verða léttar veitingar í boði. Kynnt verða nokkur frábær veiðisvæði í næsta nágrenni við Reykjavík, bæði í lax- og silungsveiði. Einnig munu nokkrir reyndir veiðimenn miðla reynslu sinni af því að taka fyrstu skrefin í stangveiði.  Villimenn munu kynna sýna starfsemi og sýna samantekt frá síðasta sumri svo menn verði enn spenntari fyrir komandi veiðitímabili. Haldið verður happdrætti í lok kvöldsins þar sem í boði eru glæsilegir vinningarnir frá Veiðihorninu, SVFR og Veiðikortinu. Meðal vinninga eru:



• Sage Foundation flugustöng

• Sage Spectrum fluguhjól

• Rio Single Handed Spey flugulína 

• Veiðikort

• Ýmis veiðileyfi í bæði lax- og silungsveiði.

Ef þú ert, eða þekkir einhvern sem er, ungur/ung og hefur áhuga á veiði mælum við með þessum viðburði. Endilega látið unga og upprennandi veiðisnillinga vita af þessu.

Dagskrá:

Kl. 19.30: Húsið opnar

Kl. 20.00: Kynning á SVFR og Veiðikortinu

Kl. 20:15: Kynning á veiðisvæði Úlfarsá/Korpu

Kl. 20:40: Gissur Karl frá Veiðihorninu heldur kynningu á flugulínum og öðrum búnaði

Kl. 21.00: Stutt hlé

Kl. 21.10: Villimenn sýna myndir og myndbönd og segja frá sinni reynslu af veiðimennsku

Kl. 21.30: Happahylur, dregið í happdrætti