Rose vann Bændatryggingamótið | Tiger góður á lokadeginum

Efsti maður heimslistans, Justin Rose, varð hlutskarpastur á Farmers Insurance-mótinu á Torrey Pines um helgina. Hann stóðst pressuna frá Adam Scott.

Rose endaði á mótið á 21 höggi undir pari eftir frábæra spilamennsku alla dagana. Scott endaði mótið af miklum krafti en endaði tveimur höggum á eftir Rose.

„Ég hef ekki unnið mót í janúar síðan árið 2002 þannig að þetta er frábært. Ég er gríðarlega ánægður því ég breytti ýmsu til þess að spila vel hérna og það gekk upp,“ sagði Rose glaðbeittur.

Tiger Woods hrökk loksins í gírinn á lokahringnum sem hann fór á 67 höggum. Woods elskar Torrey Pines og hefur unnið sjö mót þar. Hann endaði ellefu höggum á eftir Rose.