New England Patriots er NFL-meistari í ameríska fótboltanum eftir 13-3 sigur á Los Angeles Rams í Super Bowl leiknum í nótt sem var sá 53. í röðinni. Hann var að þessu sinni spilaður á hinum stórglæsilega Mercedes-Benz leikvangi í Atlantaborg í Georgíuríki.
Margir bíða spenntir eftir hálfleikssýningu Super Bowl en sú hefð hefur skapast að færustu og vinsælustu tónlistarmenn heims komi þar fram.
Í ár voru aftur á móti ekki margir tilbúnir til þess að taka hlutverkið að sér og hafði söngkonan Rihanna meðal annars hafnað því. Með því vildi hún styðja Colin Kaepernick og skoðanabræður hans. Kaepernick var einn af fyrstu leikmönnunum til að fara á hnén þegar þjóðsöngur Bandaríkjanna er spilaður fyrir leiki. Þannig vildi hann mótmæla kynþáttamisrétti í Bandaríkjunum.
Eftir töluverða leit og samningaviðræður var ákveðið að Maroon 5 og Travis Scott skyldu koma fram í hálfleik í úrslitaleiknum sjálfum. Scott er heimamaður frá Atlanta.
Það er skemmst frá því að segja að það heppnaðist ekki vel. Samfélagsmiðlar fóru hreinlega á hliðina í nótt og er strax farið að tala um einhverja verstu hálfleikssýningu sögunnar.
Erlendir miðlar hafa tekið saman tíst um heim allan og gera sér mat úr þeim. Athugasemdir við YouTube-myndband NFL-deildarinnar frá sýningunni eru einnig vægast sagt neikvæðar.
Íslendingar voru með sínar skoðanir á málinu og má sjá þær hér að neðan.
Ég var einlægt búinn að gleyma hvað ég hata Maroon 5 mikið...
— Hrafn Jónsson (@hrafnjonsson) February 4, 2019
Ekki hélt fólk að Maroon5 yrðu geggjaðir? Ein glataðasta sveit heims. Undarleg ráðning.
— Hannes Friðbjarnarso (@nesirokk) February 4, 2019
Margir slæmir í maga og þreyttir í dag eftir að hafa borðað allt of mikið af ammrískum skyndiviðbjóði, horft á leiðinlegasta egglaga "bolta"leik sögunnar og fokking Maroon 5. Vorkunn frá mér, engin #nfl
— Þórður Helgi Þórðar (@Doddilitli) February 4, 2019
Jæja Maroon 5 tókst 100% að staðfesta hvað þeir eru utter. Mjög vel gert
— Tómas Sjöberg (@tommikungfu) February 4, 2019
Spurning hvor er leiðinlegri, Bill Cowher eða þessi skelfilega Maroon 5 #NFLIsland
— Jonas Ymir Jonasson (@jonasymir) February 4, 2019
Ég elska Maroon 5 en þetta er #nflisland
— Íris Kristín Smith (@Irisksmith) February 4, 2019
Það á enginn skilið að vinna þennan leik....sérstaklega ekki Maroon 5 #nflisland
— Þórunn (@thorunnf15) February 4, 2019
Árið er 2019 og Maroon 5 verður hálfleiksatriðið í Super Bowl. Erum við sem mannkyn í alvöru ekki komin lengra en þetta?#nflisland
— Dagur Sveinn (@DDagbjartsson) February 2, 2019
Í takt við fyrri hálfleikinn og maroon 5...látlaust#NFLisland pic.twitter.com/SlLzRV6JUa
— Hemmi Alberts (@AlbertsHemmi) February 4, 2019
Ég er ekki frá því að maroon 5 hafi toppað þennan leik , djöfulsins leiðindi er þessi leikur fyrir glory hunterana okkur sem hoppa á lestina í súperbowl #NFlisland
— Arnar Guðmundsson (@narrigumm) February 4, 2019