Vegfarendur og útivistarfólk hafi auga með norðaustan hríðarveðri

Spáð er fínasta vetrarveðri fram eftir degi, hægum vindi, bjartviðri og kulda, en hvessir síðan af austri og þykknar upp og hlýnar heldur. Í kvöld verður komið austan- og norðaustanhvassviðri, sums staðar staðbundinn stormur við suðurströndina með snjókomu eða slyddu syðst og austast á landinu. Hægari vindar og dálítil él annars staðar.

Á morgun gengur á með norðaustanhríðarveðri fyrir norðan og austan, en rofar til á Suður- og Vesturlandi. Vegfarendur og útivistarfólk er því hvattir til að kynna sér vel veðurspár og ástand vega áður en lagt er af stað.