12 ára Íslandsmeistari í borðtennis

Hin 12 ára Agnes Brynjarsdóttir varð um helgina yngsti Íslandsmeistari í meistaraflokki kvenna í borðtennis.

Agnes byrjaði að æfa borðtennis fyrir um þremur árum. Hún hefur tvíveigis orðið Íslandsmeistari í unglingaflokki og stefnir á þriðja titilinn á næstu dögum.

„Ég bjóst ekki við því að komast í úrslitaleikinn en ég ætlaði að reyna að vinna að minnsta kosti tvo leiki,“ sagði Agnes við Júlíönu Þóru Hálfdánardóttur í kvöldfréttum Stöðvar 2.

Guðmundur Stephensen var einnig undrabarn í borðtennis á sínum tíma en hann varð Íslandsmeistari 11 ára.

Hann vann Íslandsmeistaratitilinn tuttugu ár í röð og stefnir Agnes á að bæta það met.