Reiður kylfingur skallaði andstæðing í gegnum rúðu | Myndband

Það er ekki oft sem við sjáum myndbönd af ofbeldisfullum kylfingum en nú er eitt á fleygiferð um netheima.

Þetta tiltekna atvik átti sér stað í Suður-Afríku eftir innanfélagsmót hjá golfklúbbi þar í landi. Keppandi sem varð að sjá á eftir titlinum í hendur annars manns sakar meistarann um svindl á barnum eftir mót.

Wow club champs is a serious business. Mike seems to have won the golf and the fight. pic.twitter.com/GzBrSfg7ts

— DarrenCueball (@Darren20041950) March 4, 2019

Óhætt er að segja að klúbbmeistarinn hafi tekið þessum ásökunum illa því hann rýkur yfir til mannsins á inniskónum og er ekkert að eyða tímanum í vitleysu. Fer beint í að skalla hinn kylfinginn af slíkum krafti að sá fellur á rúðu og brýtur hana.

Það dugði þó ekki til því í kjölfarið lét hann höggin dynja á honum. Keppnisskapið í botni þarna alla leið á barinn.