Valdís Þóra fimmta í Ástralíu

Valdís Þóra Jónsdóttir lenti í 5. sæti á NWS-mótinu í Ástralíu sem lauk í nótt. Mótið er hluti af Evrópumótaröðinni.

Valdís Þóra lék fjórða og síðasta hring mótsins á tveimur höggum yfir pari. Hún endaði á samtals sex höggum undir pari.

Skagakonan var með forystu eftir fyrstu tvo hringina á mótinu en gaf eftir á seinni tveimur hringjunum.

Englendingurinn Meghan MacLaren hrósaði sigri á mótinu en hún lék samtals á tólf höggum undir pari.

Á lokahringnum í dag fékk Valdís Þóra fjóra fugla, fjóra skolla, einn skramba og lék níu holur á pari.