Vilhjálmur Bretaprins kynnti sér starfsemi leyniþjónustunnar

Vilhjálmur Bretaprins hefur undanfarnar þrjár vikur starfað með leyniþjónustum Bretlands og kynnt sér starfsemi þeirra og vinnubrögð. Þetta gerði hann til að öðlast frekari skilning á hlutverki þjónustunnar og hvernig þær virka fyrir sig. AP greinir.

Kensington-höll greindi frá þessu í tilkynningu. Vilhjálmur, sem áður hefur gegnt herþjónustu, er þjálfaður þyrluflugmaður og hefur flogið með herlið og sem sjúkraflugmaður.

Vilhjálmur sótti heim innanríkisleyniþjónustuna MI5, utanríkisleyniþjónustuna MI6 og hlerunarþjónustu ríkisstjórnarinnar GCHQ. Veru prinsins hjá stofnununum lauk í gær, laugardag.

Vilhjálmur sagði reynsluna auðmýkjandi í yfirlýsingu, vegna þess að skrýtið hafi verið að starfa með hversdagslegu fólki sem megi ekki segja fjölskyldu og vinum frá því sem þau starfa við og öllu því álagi sem því fylgir.