101 Fréttir: Metnaðarfullir tónleikar Bjarkar, ný sería af Black Mirror og greiðslukort frá Apple

Logi Pedro er mættur til leiks með 101 Fréttir líkt og aðra föstudaga og tekur saman það helsta úr vikunni sem var að líða.

Í innslagi vikunnar fer Logi um víðan völl og segir meðal annars frá magnaðri tónleikaseríu Bjarkar í New-York, þar sem umhverfisverndarsinninn ungi Gret Thunberg kemur við sögu.

Nýjasta sería sjónvarpsþáttanna Black Mirror kemur senn á skjái óþreyjufullra aðdáenda en Logi segir okkur frá því að ein þekktasta poppsöngkona samtímans komi fyrir í seríunni.

Þá segir Logi okkur frá fyrirætlunum tæknirisans Apple í fjármálageiranum, en fyrirtækið hyggst gefa út greiðslukort nú í sumar.

Rafvæðing bílaflotans er komin á fullt flug og greinir Logi frá því að franski bílarisinn Peugeot framleiðir rafmagnaða útgáfu af vinsælum smábíl.

Í spilaranum hér að neðan má sjá 101 Fréttir þessa vikuna.