Elís lánaður til Fjölnis

Stjarnan hefur lánað varnarmanninn Elís Rafn Björnsson til Fjölnis og mun hann spila með liðinu í Inkassodeildinni.

Elís er uppalinn í Árbænum og á að baki 75 leiki í efstu deild með Fylkismönnum. Hann fór í Garðabæinn í vetur en kom ekki við sögu í fyrstu þremur deildarleikjum Stjörnunnar.

Elís Rafn Björnsson í Fjölni!

Elís Rafn er genginn til liðs við Fjölni á láni frá Stjörnunni. Elís Rafn er 27 ára fjölhæfur leikmaður og á að baki yfir 100 leiki í efstu tveim deildunum.

Við bjóðum Elís hjartanlega velkominn í #FélagiðOkkarpic.twitter.com/WjSWjYneX6

— Fjölnir FC (@Fjolnir_FC) May 13, 2019

Fjölnir féll úr efstu deild síðasta haust og spilar í Inkassodeildinni í sumar.

Eftir tvær umferðir er Fjölnir með þrjú stig, Fjölnismenn unnu Hauka í fyrstu umferðinni en töpuðu fyrir Fram í Safamýrinni á föstudagskvöld.

Næsti leikur Fjölnis er við Magna á laugardaginn.