Þrenna frá Real Madrid í skiptum við Pogba?

Áhugi Real Madrid á miðjumanni Manchester United, Paul Pogba, virðist ekkert minnka og nú greina enskir fjölmiðlar frá því að Real íhugi að stækka tilboð sitt í Frakkann.

Mikið hefur verið rætt og ritað um framtíð Pogba en þrátt fyrir að vera með samning hjá United til ársins 2021 eru líkur á því að hann yfirgefi Manchester í sumar.

Tímabilið var mikil vonbrigði hjá Real Madrid sem skipti tvisvar um þjálfara á síðustu leiktíð og nú er Zinedine Zidane kominn aftur í stjórastólinn.

Reiknar er með mikilli hreinsun hjá Madrídarliðinu í sumar og Zidane vill ólmur fá landa sinn, Pogba, til félagsins en hann er tilbúinn að láta þrjá leikmenn í skiptum við Pogba.

Leikmennirnir eru þeir Gareth Bale, Isco og James Rodriguez. Bale og Isco áttu erfitt síðasta tímabil á Spáni á meðan James hefur verið á láni hjá Bayern Munchen síðustu tvö tímabil.