Nökkvi stofnar Swipe

Nökkvi Fjalar Orrason steig nýlega til hliðar frá daglegum rekstri Áttunnar en hann var einn af stofnendum hennar.

Síðustu misseri hefur hann tileinkað öðru fyrirtæki meiri tíma, Creative Iceland- Social Media, sem hann rekur ásamt Gunnari Birgissyni og Árna Birni Helgasyni.

Fyrirtækið er nokkurs konar umboðsfyrirtæki fyrir samfélagsmiðlastjörnur á borð við Camillu Rut og Guðrúnu Veigu. Nú rær hann á enn önnur mið og hefur stofnað fyrirtækið Swipe en tilgangur þess er að aðstoða fyrirtæki að ná betri árangri á samfélagsmiðlum.

Tilvist Swipe var opinberuð í gær á netmiðlum og hefur það nú þegar landað stórum viðskiptavinum. Í augnablikinu er fyrirtækið að vinna fyrir eina stærstu viðskiptaráðstefnu í heim, Nordic Business Forum.