Gylfi Þór hitti nafna sinn í brúðkaupsferðinni

Eins og greint hefur verið frá er Gylfi Þór Sigurðsson, landsliðsmaður í knattspyrnu í Indónesíu þessa dagana ásamt eiginkonu sinni Alexöndru Helgu Ívarsdóttur, þar eru þau stödd í brúðkaupsferð sinni eftir að hafa gift sig eftirminnilega við Como vatn á Ítalíu.

Gylfi birtir í morgun heldur skemmtilegar myndir frá Indónesíu þar sem að hann hitti fyrir son indónesíska íþróttafréttamannsins Dex Glenniza. Slíkt er ekki í frásögur færandi nema að sonurinn heitir Gylfi Glenniza í höfuðið á Hafnfirðingnum knáa.

Gylfi birtir myndir af sér ásamt feðgunum ásamt mynd af Gylfa litla með afmælisköku og umvafinn treyjum Gylfa Þórs.

Gylfi litli heitir þó ekki bara í höfuðið á Gylfa Þór Sigurðssyni því svo virðist sem drengurinn sé einnig nefndur í höfuðið á eina markmanninum sem hlotið hefur gullboltann. Rússans Lev Yashin.

Gylfi Lev Yashin Glenniza virtist sjálfur vera hæstánægður með að hitta hinn nýgifta nafna sinn.

Vert er að minnast á að hægt er að fletta myndunum hér að neðan með því að ýta á örvarnar.

 

 

 

View this post on Instagram

Had to meet @dexglenniza from Indonesia when he messaged me and said he names his son Gylfi after me It was nice to meet you!

A post shared by Gylfi Sigurdsson (@gylfisig23) on Jul 4, 2019 at 12:16am PDT