Tom Brady hoppaði fram af kletti með sex ára dóttur sína

Þetta átti að vera skemmtilegt stund hjá feðginum í sumarfríi en er orðið að miklu miklu meira. Geitin í NFL-deildinni þykir hafa farið heldur óvarlega í föðurhlutverkinu.

Tom Brady, besti og sigursælasti leikmaðurinn í sögu NFL-deildarinnar, hefur nefnilega verið gagnrýndur fyrir það sem sem hann sést gera með dóttur sinni í myndbandi inn á Instagram síðu hans.

People are mad at Tom Brady for jumping off a cliff with his 6-year-old daughter while on vacation in Costa Rica.

What do you think — did the QB put his child in danger? https://t.co/IGjrCnOcc5

— Sporting News (@sportingnews) July 22, 2019

Vivian Lake Brady, sex ára dóttir Tom Brady, vakti mikla athygli í febrúar á þessu ári þegar hún hljóp í fangið á föður sínum eftir að hann hafði unnið sjötta NFL-titilinn í Super Bowl á ferlinum.

Vivian vildi ekki sleppa pabba sínum og var í fanginu á honum nær allan tímann. Það fór ekkert á milli mála að hún er mikil pabbastelpa en móðir hennar er fyrirsætan Gisele Bündchen.

Nú nokkrum mánuðum seinna voru feðginin saman í sumarfríi í Kosta Ríka og Tom Brady ákvað að sýna heiminum hvað þau voru meðal annars að gera saman þar. Hér fyrir neðan má sjá þau stökkva saman fram af kletti.

 

 

 

View this post on Instagram

If Vivi is going to be an Olympic champion one day, it probably won’t be in synchronized diving. Daddy always gives her a 10 though!

A post shared by Tom Brady (@tombrady) on Jul 19, 2019 at 1:26pm PDT

Tom Brady greip hönd dóttur sinnar, taldi upp á þremur og stökk síðan fram af klettinum. Vandamálið er að Vivian hikar og lítur út fyrir að ætla að hætta við þegar Brady togar hana með sér. Þau lenda heldur ekkert allt of pent í vatninu fyrir neðan.

Tom Brady hefði auðveldlega geta tekið dóttur sína úr axlarlið eða rekið hana utan í klettinn fyrst að hún var svona hikandi. Allt fór þetta samt á besta veg og Tom ákvað að henda myndbandinu inn á samfélagsmiðla.

Undir myndbandið skrifaði hann síðan: „Ef Vivi ætlar að vera Ólympíumeistari einn daginn þá verður það líklega ekki í samhliða dýfingum. Pabbinn gefur henni samt alltaf tíu,“ skrifaði Toma Brady.

Flestir geta verið sammála að Brady hafi þarna verið að taka áhættu og það vera auðvitað hluti af spennunni. Aðrir eru hins vegar á því að hann hafi hreinlega verið að setja dóttur sína í mikla hættu með þessu uppátæki.

Það má heldur ekki gleyma því að það gengur ekki að vera raggeit við hliðinn á sjálfri Geitinni í NFL-deildinni.