Líf og fjör á opnu húsi Þóru og Ásu á Menningarnótt

Það var nóg um að vera í miðbæ Reykjavíkur síðasta laugardag enda var Menningarnótt haldin hátíðleg.

Meðal þeirra viðburða sem gestir Menningarnætur gátu sótt var opið hús í galleríi Ásu Tryggvadóttur, eiganda keramikverkstæðisins Stilku, og Þóru Bjarkar Schram, eiganda Þóru Björk Design.

Fjöldi fólks lagði leið sína í galleríið og gat þar skoðað myndlist og notið tónlistar en jazzistarnir Ólafur Egill Stolzenwald og Ásgeir Ásgeirsson léku ljúfa tóna fyrir gesti.

Eins og áður sagði var margt um manninn en sjá má myndir frá opna húsinu hér að neðan.