Sport

Meistararnir byrjuðu með látum | Mahomes í stuði

Henry Birgir Gunnarsson skrifar
Brady var frábær í nótt.
Brady var frábær í nótt. vísir/getty
Fyrsti sunnudagurinn í NFL-deildinni var stórkostlegur og mikið að gerast. Upp úr stendur þó að meistarar New England Patriots völtuðu yfir Pittsburgh Steelers, 33-3.

Tom Brady, leikstjórnandi Patriots, var frábær og kláraði 24 af 36 sendingum sínum fyrir 34o jördum og þremur snertimörkum.





Philipp Dorsett greip tvær snertimarkssendingar fyrir Patriots og Josh Gordon eina. Nýjasti leikmaður liðsins, Antonio Brown, spilaði ekki með gegn sínum gömlu félögum enda ekki orðinn löglegur.

Það er búist við miklu af Cleveland Browns í vetur, enda með frábært sóknarlið, en liðið virðist eiga nokkuð í land því það fékk á baukinn gegn Tennessee.





Íslandsvinurinn Patrick Mahomes, sem var valinn besti leikmaður deildarinnar í fyrra, byrjaði af sama krafti og hann endaði í fyrra. Var búinn að kasta fyrir fyrsta snertimarkinu eftir rúma mínútu og kom sínu liði í 40 stig í öruggum sigri á Jacksonville.





Jaguars varð fyrir miklu áfalli í leiknum því leikstjórnandi liðsins, Nick Foles, meiddist og fer í aðgerð í dag. Hann verður líklega frá í um 10 vikur.

Það er ekki búist við miklu af Miami í vetur og liðið er samt líklega lélegra en menn töldu það vera. Liðið fékk á sig 59 stig gegn Baltimore og þar af 52 í þremur leiklutum.

Leikstjórnandi Baltimore, Lamar Jackson, fór mikinn og kastaði boltanum fimm sinnum fyrir snertimarki. Hann var með sex snertimarkssendingar í fyrra og var sagt að hann þyrfti að bæta þann hluta síns leiks. Það virðist ganga. „Þetta var ekki slæmt af hlaupara,“ sagði Jackson sposkur eftir leik.





Carson Wentz, leikstjórnandi Philadelphia, sýndi styrk sinn gegn Redskins í gær. Liðið lenti 17-0 undir í leiknum en Wentz kom til baka og tryggði sínu liði 32-27 sigur.





Það var eitt jafntefli í gær er Arizona átti magnaða endurkomu gegn Detroit. Það gekk mjög illa framan af hjá Kyler Murray, leikstjórnanda Arizona sem var valinn fyrstur í nýliðavalinu, en það kviknaði á honum undir lokin og hann sýndi þá af hverju hann var valinn fyrstur.





Dallas virðist hafa öll tólin til þess að fara alla leið í vetur og liðið ætlar sér alla leið. Kúrekarnir slátruðu NY Giants þar sem leikstjórnandinn Dak Prescott var stórkostlegur.





Hlauparinn Ezekiel Elliott spilaði töluvert þó svo hann sé nýbúinn að semja og þar af leiðandi nýbyrjaður að æfa. Hann náði að skora eitt snertimark.

Úrslit:

New England - Pittsburgh  33-3

Carolina - LA Rams  27-30

Cleveland - Tennessee  13-43

Jacksonville - Kansas City  26-40

Miami - Baltimore  10-59

Minnesota - Atlanta  28-12

NY Jets - Buffalo 16-17

Philadelphia - Washington  32-27

LA Chargers - Indianapolis  30-24 (eftir framlengingu)

Seattle - Cincinnati  21-20

Arizona - Detroit  27-27

Dallas - NY Giants  35-17

Tampa Bay - San Francisco  17-31

Í kvöld:

New Orleans - Houston

NFL

Mest lesið


Fleiri fréttir

Sjá meira


×

Mest lesið