Fleiri börn í vanda í ár

„Til  þessa  hefur  símtölum frá foreldrum barna sem eru að byrja í neyslu fækkað á sumrin en ekki núna. Við munum varla eftir öðru eins sumri í þau 33 ár sem við höfum  starfað,“  segir  Berglind  Gunnarsdóttir, framkvæmdastjóri Foreldrahúss – Vímulausrar æsku.

Mynstrið  er  iðulega  þannig  að  upp  kemst  um  neyslu  ungmenna  þegar skólarnir hefjast á ný. Merkja þær Berglind og Guðrún B. Ágústsdóttir ráðgjafi aukningu núna í september frá fyrri árum.

„Það  vantar  alltaf  fjármagn  í  þennan  málaf lokk,  þá  má  ekki  gleyma  landsbyggðinni  þar  sem  minni  hjálp  er  að  fá,“  segir  Berglind. Foreldrahús – Vímulaus æska er sjálft að hleypa af stað fjáröf lun fyrir nýju húsnæði og f leira starfs-fólki.

Í  síðustu  viku  var  hleypt  af  stokkunum þjóðarátakinu Á allra vörum. Að þessu sinni á að styrkja forvarnar- og fræðsluátakið Eitt líf. Samhliða því var frumsýnd áhrifamikil auglýsing til að vekja fólk til umhugsunar  um  lyfjamisnotkun  ungmenna. Alls létust 39 manns vegna lyfjamisnotkunar í fyrra.Berglind  fagnar  öllu  sem  vekur  athygli á þessum vanda.

„Við þekkjum þennan vanda vel. Það sem við rekumst  oft  á  er  að  þau  halda  að  þau viti alveg hvað þau eru að gera,“ segir Berglind.

Guðrún  segir  mikilvægt  að  foreldrar hafi varann á þegar kemur að lyfjum.

„Læsið þau inni. Ekki hafa þau uppi í hillu þar sem unglingar eða  vinir  þeirra  geta  náð  í  þau,“  segir  Guðrún.  „Það eru ljót dæmi um að ungmenni hafi jafnvel tekið inn hjartalyf því þau hafa ruglast á þeim og öðrum. Líka dæmi um að þrettán ára hafi prófað fentanýl hjá krabbameinsveikum  fjölskyldumeðlim.“

Þær ítreka að börnin sem um sé að ræða séu ekki þau sem kalla má vandræðaunglinga.

„Þau koma ekki endilega frá fátækum heimilum eða foreldrum sem sinna þeim ekki. Oft tala foreldrarnir einmitt um að þau séu  í  íþróttum,  eigi  marga  vini  og  haf i  gengið  vel  í  skólanum,“  segir  Guðrún.

Berglind segir að það séu nokkur merki  sem  foreldrar  eigi  helst  að  hafa í huga. Börnin mæta verr í skólann,  koma  síður  heim  í  kvöldmat  og  geta  illa gert  grein  fyrir  fjárútlátum.

„Ef unglingurinn er kominn með nýja vini í einhverju allt öðru hverfi og finnst það ekkert tiltökumál  að  taka  strætó  í  45  mínútur  til að hitta einhverja sem þú hefur ekki hitt, þá er ástæða til að kanna hvort það geti verið eitthvað meira í gangi.“