Umhverfisáhrif eru hverfandi

Allar mælingar umhverfisvöktunar hjá kísilverksmiðjunni PCC á Bakka eru langt undir viðmiðunarmörkum. Þetta kom fram á fjölmennum íbúafundi á Húsavík í vikunni.

Í maí síðastliðnum lak kísilryk út í læk og sjó. Að auki hafa tvö önnur frávik átt sér stað síðan starfsleyfi var gefið út í fyrra. Öll frávikin eru skilgreind sem minniháttar og þeim hefur verið lokað.

„Það er mat sérfræðinga að áhrif verksmiðjunnar á umhverfið séu óveruleg. Samkvæmt öllum mælikvörðum erum við að standa okkur vel,“ segir Rúnar Sigurpálsson, forstjóri PCC.