Fimm stungnir í hnífa­á­rás í Manchester

Fimm manns voru stungnir í hnífárás manns í verslunarmiðstöð í ensku borginni Manchester í hádeginu.

Lögregla í Manchester hefur handtekið mann á fimmtugsaldri sem grunaður er um verknaðinn. Stendur til að yfirheyra manninn.

Enn hafa ekki borist neinar upplýsingar um dauðsföll en árásin átti sér stað í verslunarmiðstöðinni Arndale Centre í miðborg Manchester. Miðstöðin var rýmd eftir að árásin var gerð.

Hryðjuverkadeild bresku lögreglunnar hefur málið til rannsóknar.

Boris Johnson, forsætisráðherra Bretlands, sagðist í tísti vera í áfalli vegna frétta af árásinni og að hugur hans væri hjá þeim sem særðust. Þá þakkaði hann öllum viðbragðsaðilum fyrir sín störf.

Shocked by the incident in Manchester and my thoughts are with the injured and all those affected. Thank you to our excellent emergency services who responded and who are now investigating what happened.

— Boris Johnson (@BorisJohnson) October 11, 2019