Elías Már skoraði tvö og var hetjan

Elías Már Ómarsson skoraði tvö mörk er Excelsior vann ótrúlegan 5-4 sigur á FC Eindhoven í níu marka leik í hollensku B-deildinni.

Eindhoven náði í þrígang forystunni í fyrri hálfleik en Elías Már jafnaði í 3-3 á 38. mínútu.

Sigurmarkið skoraði svo Keflvíkingurinn þrettán mínútum fyrir leikslok en Excelsior er í 5. sæti deildarinnar með 24 stig.

Elias Mar Omarsson is door jullie verkozen tot man of the match! Hij neemt straks de trofee en knopbon in ontvangst in het supportershome. #exceinpic.twitter.com/iSH6ojTOVQ

— SV Pro Excelsior (@ProExcelsior) November 8, 2019

Böðvar Böðvarsson spilaði allan leikinn í 3-1 tapi Jagiellonia Bialystok gegn Piast Gliwice á útivelli í pólsku úrvalsdeildinni.

Böðvar fékk tækifærið í síðustu umferð og spilaði vel þegar Jagiellonia vann góðan sigur. Þeir eru í 7. sæti deildarinnar eftir tap kvöldsins.