Föstudagsplaylisti KRÍU

KRÍA er íslensk raftónlistarkona sem hefur haslað sér völl á síðustu misserum með sýndarveruleikakenndu truflanateknópoppi.  Hún setti saman föstudagslagalista fyrir Vísi sem hún kýs að kalla „f0studagx rave á vinnutíma“, sem blaðamanni þykir ágætlega lýsandi.

Í dag kom út myndband fyrir lag hennar Safety af stuttskífunni Varp sem kom út fyrr á þessu ári, en áður hafði hún gefið út myndbönd fyrir lögin Pathogen og Post Safety af sömu plötu.

Þar sá KRÍA alfarið um lagasmíðar og útsetningar í samstarfi við Atla Stein úr Axis Dancehall og Arnór Jónasson úr VAR.

Hér að neðan má hlusta á „f0studagx rave á vinnutíma“.