Dagskráin: Umtalaðasti dómarinn og Heimir heimsótti Dallas

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Það verður nóg um að vera á Stöð 2 Sport í dag. Krakkamótin verða fyrirferðamikil framan af degi en þegar líða fer á daginn verður sýnt frá því þegar Heimir Karlsson heimsótti körfuknattleiksliðið Chicago Bulls. Jón Arnór Stefánsson í NBA og umtalaðasti dómarinn, sería sem fjallar um knattspyrnu frá sjónarhorni dómaranna, er einnig á dagskránni í dag.

Stöð 2 Sport 2

Bikarinn er í algleymingi á Stöð 2 Sport 2 í dag. Magnaður bikarúrslitaleikur Fram og Stjörnunnar frá árinu 2013, bikarinn til Eyja árið 2013 og fyrsti stóri titill Víkinga í ansi mörg ár er á meðal þess efnis sem er að finna á Stöð 2 Sport 2 í dag.

Stöð 2 Sport 3

Ef einhver saknar enska bikarsins er hægt að hafa stillt á Stöð 2 Sport 3 í dag því frá klukkan 09.55 til 17.10 er hægt að finna klassíska leiki í enska bikarnum. Þar á eftir eru svo sögufrægir leikir bæði úr íslenska boltanum sem og Meistaradeildinni.

Stöð 2 eSport

Útsending frá viðureign FH og TILT í 3. umferð fyrsta tímabils Vodafone-deildarinnar 2020 í Counter-Strike: Global Offensive er á meðal þeirra dagskráliða sem má finna á Stöð 2 eSport í dag en einnig er þar að finna Valorant boðsmótið og Íslandsmótið í eFótbolta.

Stöð 2 Golf

Margar magnaðir stundir frá ferli Tiger Woods, útsending frá lokadegi The Players Championship mótsins í golfi árið 2009 og útsending frá lokadegi US Open 2017 er hægt að sjá á Stöð 2 Golf í dag eins og margt aðra.

Alla dagskrá dagsins má sjá með því að smella hér.