Aron Snær kom, sá og sigraði í Leirunni

Aron Snær Júlíusson, úr GKG, vann annað mót golf sumarsins, Golfbúðarmótið, sem fór fram í Leirunni um helgina. Mótið er annað stigamót GSÍ þetta golf tímabilið.

Aron Snær leiddi eftir hring eitt og það gerði hann einnig eftir hring tvö. Þrátt fyrir að hafa spilað á tveimur höggum yfir pari komst enginn honum nærri og tók Aron því gullið á samtals sex höggum undir pari á hringjunum þremur.

Haraldur Franklin Magnús, úr GR, lenti í öðru sætinu ásamt Dagbjarti Sigurbarandssyni. Haraldur Franklín spilaði á einu höggi yfir pari í dag en Dagbjartur gerði sér lítið fyrir og spilaði á þremur höggum undir pari.

Hástökkvari dagsins var hins vegar sigurvegari fyrsta móts GSÍ mótaraðarinnar, Axel Bóasson, en hann hoppaði um heil tíu sæti á lokadeginum eftir að hafa þriðja hringinn á tveimur höggum undir pari. Hann endaði í 5. sæti mótsins.

Heildarstöðuna má sjá hér.