Afhentu Kvennaathvarfinu yfir 1,4 milljón til baráttunnar gegn heimilisofbeldi

Þann 6. júní síðast liðinn afhentu vinkonurnar Alda B. Guðjónsdóttir og Sissa Ólafsdóttir fulltrúa Kvennathvarfsins þá upphæð sem safnaðist í átakinu List gegn ofbeldi. Eins og sagt var frá á Vísi í vor fengu þær 48 ljósmyndara til þess að gefa eftirprentanir af verkum sínum fyrir góðan málstað. 

„Það er gleðilegt að segja frá því að viðtökur við átakinu fóru fram úr björtustu vonum og fjölmargir kræktu sér í verk og studdu þar með gott málefni. Eru þeim færðar hjartans þakkir svo og öðrum sem studdu við átakið með ýmsum hætti. Alls söfnuðust kr. 1.427.882 á meðan á átakinu stóð og kemur sú upphæð vafalítið að góðum notum hjá Kvennaathvarfinu,“ segir Sissa. 

Það var Sigþrúður Guðmundsdóttir sem veitti fjárhæðinni viðtöku fyrir hönd Kvennaathvarfsins. Allar myndirnar voru prentaðar á sama pappír og voru í númeruðu eintökum. Hámarksupplag hverrar myndar var 100 eintök. 

Ljósmyndararnir sem tóku þátt í söfnuninni eru Agniezka Sosnowska, Anna Margret Árnadóttir, Anna Maggý, Ari Magg, Atli Már Hafsteinsson, Axel Sigurðarson, Bára Kristjánsdóttir, Berglaug Petra Garðarsdóttir, Bernhard Kristinn, Björn Árnason, Daníel Harðarson, Dóra Dúna, Einar Falur, Elísabet Davíðs, Ellen Inga, Ellli Þór Magnússon, Eva Scram, Friðgeir Helgason, Gissur Guðjóns, Golli, Guðmundur Ingólfsson, Gulli Már, Gunnlöð Jóna Rúnarsdóttir, Hallgerður Hallgríms, Hanna Siv Bjarnadóttir, Hulda Sif Ásmundsdóttir, Jói Kjartans, Kári Sverriss, Kata Jóhannesdóttir, Kjartan Hreinsson, K Magnússon, Kristina Pertosiute, Krummi, Laufey Elíasdóttir, Linda Björk Sigurðardóttir, Orri Jóns, Páll Stefánsson, Saga Sig, Sigga Ella, Sigurður Erik, Sissa, Spessi, Stuart Richardson, Sveinn Speight, Vaka Alfreðsdóttir, Valdimar Thorlacius, Viðar Logi og Þórsteinn Sigurðsson.