Stærsti skjálfti dagsins hingað til reið yfir á sjöunda tímanum

Enn heldur skjálftahrinan úti fyrir norðurlandi áfram en klukkan 18:20 varð skjálfti að stærðinni 4,4 um 35 km norður af Siglufirði.

Þetta kemur fram á vef Veðurstofunnar en um er að ræða stærsta skjálftann síðan klukkan 20:11 í gærkvöldi þegar skjálfti af stærðinni 4,5 reið yfir landið.

Samkvæmt gögnum Veðurstofunnar voru upptök skjálftans á 9,3 kílómetra dýpi 32,6 kílómetra VSV af Grímsey.

Ljóst er að skjálftinn fannst víða á norðurlandi, þar með talið á Akureyri.