Flott opnun í Stóru Laxá

Veiði er hafin í Stóru Laxá í Hreppum að það er jafnan mikil eftirvænting hjá unnendum hennar eftir fréttum af fyrstu tölum.

Þetta árið verða þeim veiðimenn sem ætla að sækja í Stóru Laxá varla fyrir vonbrigðum því hún fór afskaplega vel af stað og strax á fyrsta degi voru komnir tíu laxar á land sem við í það minnsta vitum af og nokkuð slapp af færinu eins og gengur og gerist. Það er mikill munur á ánni eins og öðrum ám á sama tíma í fyrra þegar vatnsleysi var að gera út um vonir og væntingar til góðra veiða en það er ekki málið þetta sumarið. Laxinn sem er að veiðast er vænn og vel haldinn, mest tveggja ára lax í góðum holdum sem rímar við ástand almennt á tveggja ára laxi í ánum um allt land.