Þriðja árið í röð stóð Guð­rún Brá uppi sem Ís­lands­meistari

Guðrún Brá Björgvinsdóttir, úr Golfklúbbnum Keili, er Íslandsmeistari í golfi eftir sigur á Ragnhildi Kristinsdóttur, úr GR, í bráðabana.

Ragnhildur leiddi með fjórum höggum þegar sjö holur voru eftir en Guðrún Brá sótti á hana og lék á tveimur undir á síðustu sjö holunum.

Þannig knúði hún fram bráðabana og í bráðabananum spilaði Guðrún Brá betra golf en Ragnhildur og tryggði sér Íslandsmeistaratitilinn þriðja árið í röð.

Þriðja sætið tók atvinnukylfingurinn Ólafía Þórunn Kristinsdóttir.