Föstu­dagspla­ylisti Sögu Sigurðar­dóttur

Dansarinn og sviðslistakonan Saga Sigurðardóttir setti saman háfleygan föstudagslista í hlaðstíl daginn fyrir hlaupársdag. 

Saga er meðal annars hluti sviðslistahópsins Marble Crowd og hinnar frábæru gjörningahljómsveitar The Post Performance Blues Band. Sú sveit er einmitt á leið út í tónleikaferðalag um Eystrasaltslöndin á næstunni.

Í kvöld kemur hún fram með Íslenska dansflokknum á frumsýningu verksins Rhythm of Poison eftir hina margverðlaunuðu Elinu Pirinen. Er þar iðkaður „dulvitundardans og dýrðlegur söngur í dásamlegri veröld dómsdagstónlistar- og mynda.“ 

Ákveðinn eiturryþma má heyra á köflum í lagalistanum en þó aðeins í öðru laginu sem titlað er Poison. Saga gaf listanum einmitt nafnið Eitruð - iður og rómantík.

Aðspurð um innihaldið sagði Saga listann vera „hlaðinn rómantík og görnum, gömlum draumum og nýjum.“