Nostalgía: Íris og Valur hættu saman og hjörtu þjóðarinnar hættu að slá

Það muna eflaust sumir eftir hljómsveitinni Buttercup á sínum tíma en sveitin var nokkuð vinsæl hér á landi. Fjallað var um sveitina í þættinum Nostalgía á Stöð 2 í gærkvöldi. Leikkonan Júlíana Sara Gunnarsdóttir stjórnar þáttunum sem hófust á Stöð 2 fyrir rúmlega viku, þar verða gamlir þættir rifjaðir upp.

„Athyglin fór á ranga staði og það var svona miklu meira um mig sem persónu heldur en mig sem söngkonu,“ segir Íris Kristinsdóttir, kennd við Buttercup, í þættinum.

„Þetta var svolítið erfitt þegar ég var ekki og einhver önnur söngkona var syngja lag og þeir voru að frumflytja það,“ segir Íris um tilfinninguna að vera í salnum á Hlustendaverðlaunum FM957 árið 2001.

Einnig var fjallað um þættina Viltu vinna milljón sem voru í umsjón Þorsteins Joð á sínum tíma, og fleiri hljómsveitir sem voru vinsælar á sínum tíma. Og svo var fyrsti boxbardagi sögunnar í Laugardalshöllinni rifjaður upp sem var í beinni útsendingu.