Ólafía komst ó­vænt inn og fór á kostum áður en þrumu­veður skall á

Ólafía Þórunn Kristinsdóttir, atvinnukylfingur, lék ansi vel á Beroun vellinum á Tékklandi er fyrsti hringur Tipsport Czech Ladies Open fór fram.

Ólafía Þórunn átti ekki von á því að komast inn í þetta mót en hún er með takmarkaðan keppnisrétt á LET Evrópumótaröðinni.

Hún þakkaði heldur betur traustið og spilaði á fimm höggum undir pari á fyrsta hringnum og er í 10. sætinu.

Guðrún Brá er hins vegar með keppnisrétt á sterkustu atvinnumótaröð Evrópa og var á parinu á 16. holu er mótinu var frestað vegna þrumuveðurs.

Guðrún Brá er jöfn nokkrum kylfingum í 53. sætinu en óvíst er hvenær fyrsti hringurinn klárast.