Tveir greindust innan­lands

Tvö smit greindust innanlands í gær og fjögur á landamærunum, en beðið er eftir niðurstöðum mótefnamælingar. Þeir tveir sem greindust innanlands voru báðir í sóttkví.

Þetta kemur fram í nýjustu tölum á covid.is en samkvæmt þeim liggur einn á sjúkrahúsi vegna kórónuveirusmits.

76 manns eru í einangrun, voru áttatíu í gær. Þá eru 233 í sóttkví og fer þeim fækkandi, en 263 voru í sóttkví í gær. Hátt í 25 þúsund hafa lokið sóttkví frá því að faraldurinn hófst hér á landi.

702 einkennasýni voru tekin í gær og 688 við landamæraskimun.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur er 12,3, en var 13,4 í gær. Þá er nýgengi landamærasmita 7,1, en var 7,4 í gær.